Hoppla! Jetzt isch mei Ei`le doch platzt,
rechtzeitig zor Oschterzeit,
herzlich grüss i Eich
meine liebe Leit!
engele
Oh, isch des a schees Osterkörble do,
ond glitz`re tut`s jo sowieso.
Des g`hört mir, des geb i net her,
egal, wär es auch wär!
engele
Super sänget die Pieperle a Liedle klei,
so romantisch ond so fei.
Sie schnäblet schee em´Takt,
eins, zwei, drei,
denn des Osterfescht kommt bald herbei.
I ben des kloine Hasekend
ond komm herbei geschwend,
om Eierle Eich zu verstecke
hender der grosse Hecke.
I ben no ebbes scheu ond will net viel rede,
des wird sich aber em`Alter scho no gebe!
engele
Scheene Oscht`re wensche mir 2 Piepperle Eich von Herze gern,
wenn manche auch send weit weg en`der Fern.
Die Eierle mir jetzt guat verstecket em Garte,
do müsset se`geduldig bis Sonntich warte.
No kommt die grosse Kenderschaar um noch de Eier zu suche,
do werdet se`grosse Erfolge wohl verbuche!
engele
Jetzt ben i aber g`schafft ond kann net mehr,
die Eierle send jo gar so schwer!
Jetzt mach i Feierobend, den han i mir verdient,
wie mer jo wohl hier au sieht!
engele
Des Osterei`le han i Dir mit`bracht,
dass Dei Herzle wieder lacht.
I han Oschtern net vergesse,
mei Osterei`le kommt von Herze.
I wensch Dir a schenes Osterfescht
ond hoff, dass Du mit mei`m Ei`le zu`friede bisch!
engele
Jetzt isch mei Kunstwerk fertig,
do guckt no her,
so a Muschter gibt`s so schnell net mehr.
Es glitzert herrlich ond isch ne`Wucht,
dofür han i mir galtt en`Einser verbucht.
engele
Na, mei Lieb`, wie fendesch onser Osterei?
Isch doch schnuggelig, heidenei!
Es fonkelt hell ond glitzert
ond enne es leise piepert!
Wer kann des au do drenne sei?
Onser Pieperle, des wär fei!
engele
Piep! Piep!
Jetzt ben i do Ihr lieben Leit,
monder ond guat ausgereift.
Jetzt muss i erscht mol Watschle kenne
ond vieles no em`Lebe lerne.
Isch jo au noi koi Meischter vom Hemmel g`falle,
do dro tu i mi au feschte halte.
engele
Mir send des luschtige Trio
ond machet elles mit,
manches fende mer au schitt.
Mir lasset ons aber des Lebe net verdrieße,
denn mir wellet es genieße!
engele
I ben des Osterhäsle ond han a saftige Ka`rott,
i ben emsig ond au flott.
Karöttle mog i für mei Leben gern,
om mi rom, do blenket die Stern.
So feier i mei Osterfescht ond han mei Freid,
Ihr dafür mit der Family zusamme seid.
engele
Papa Hase aus dem Körble späht,
wie Ihr es do obe seht.
Er will noch dem Rechte sehe,
nicht`s o`rechts derf geschehe.
Er hot elles onder Kontroll
ond hot seine Bäckle voll.
engele
Des Osterpärle die Stille sehr genießt,
ihre Lieb agnz heimlich sprießt.
Sie wellet schmuse ond alleine sei,
des fend i oifach fei!
engele
Zom Schluss wensch i elle meine Gäscht,
a tolles ond harmonisches Oschterfest.
A scheenes Eiersuche mit viel Spass ond Freid,
des isch d`r Schluss uff derer Seit!
engele