Mei Mohle                                                   

 

                                                Mei Mohle isch en monderer G`sell,

                                                emmer luschtig ond fedeel.

                                           Sei Humor brengt elle zom Lache,

                                                  was soll i au do no mache?

 

                                           Seine Aigle erspäen elles em Nu,

                                           do kommt me halt nemme zu Ruh!

                                         Schwätzle tut er am laufende Band,

                                          manchmol isch des scho allerhand!

 

                                         G`mietlich geht`s zom Eikaufe no,

                                                  ond was gibt`s no do?

                                               Er nemmt a Eikaufswägele

                                      ond trottelt langsam durch de´Lade,

                                         do han i no nemme viel zu sage!

                                      Eikauft werdet die Sonderangebot,

                                                 dass es sich au lohnt,

                               denn d`r Schwob isch sparsam ond gediege,

                                        des wird aber gern verschwiege!

 

                                Sei Beichle zeigt er em Sommer net so gern,

                                          denn no wird`s für` en schwer.

                                            Des T-Shirt passt net mehr,

                                               a neies muss jetzt her.

 

                                      D`Hose isch au zu eng ond spannt ei,

                                            des fendet er no gar net fei!

                                       Nei ei`kleidet wird mei Mohle jetzt,

                                        mit sei`m Scherzen isch vorbei!

 

                               Doch bald isch sei schlechte Lau`n verdrosse

                                          ond sei Humor wird nei genosse.

                                      Mei Mohle isch en monderer G´sell,

                                           emmer luschtig ond fideel!

                                                            engele

 

                                                 

 

                                                                nach oben