A Weihnachtskerzerl romantisch leichtet
ond uff a tolle Weihnacht deitet.
Es flackert g`mütlich vor sich hin,
i dabei ganz selig bin.
engele
A Engele wird Di begleite uff Deine Weg
ond Dir emmer trei zor Seite steht.
Wenn Du es au net schieschst,
es hält sei`Hand schützend über Di,
dass Dir koi Leid wohl g`schieht.
engele
Die 3 Kerzle flack`ret nur für Di alloi,
so soll es für ewich soi.
Die weisse Rösle sollet Dir die Lieb`wohl bringe,
moinsch, des wird dene au gelinge?
engele
Treiherzig die Bärle gugget
ond still uff ihr`m Popöle hocket.
Die Sternle gebet a tolles Stell-Dich-Ei,
des fendet die Bärle oifach fei.
engele
Vertreimt des Bärle uff sei`m Kisse lehnt
ond sich en`s Treimland so gern sehnt.
Er hot en`scheene Traum,
mer glaubt`s jo kaum.
Er treimt von seiner neien Lieb
ond ihr en`Gedanke a paar Bussis gibt.
engele
A Liebeskerzerl han i für die heit
ond hoff, dass Du Di au f`reisch.
Sie kommt von Herze wohl von mir
mit em`Bussele direkt zu Dir.
Du sollsch denke emmer an mich,
so arg mog i Dich.
engele
Des Hochzigskerzle brennt für Eich zwei,
viele Jährle sollet Ihr glicklich z`samme sei.
Viel Freid ond a grosse Kenderzahl,
so wie`s bei ons früher au mol war.
Des Glick soll emmer uff Ei`rer Seit wohl steh`,
Ihr zwoi sollet niemals auseinander geh`!
engele
Heit welle mer`onser Trauer zeige
ond lasset on`s von ons`re G`fühle leite.
Wir gedenket ons`re Lieben,
die aus ons`rem Lebe send geschieden.
engele
5 Kerzle brennet für Eich lieb,
i au a Gedichtle dazu schrieb.
Zu Ei`rem Fescht i Eich elles Gute sende will,
i schau aus d`r Fern zu, ganz still.
I ko net bei Eich verweile,
ons trennet jo so viele Meile.
En`Gedanke ben i unter Eich
ond wensch Eich ellen, a scheene Zeit.
engele
Zu Dei`m 3. Geburtstag wensch i Dir viel Glück,
jeden Tag, a klois Stück.
Sei recht lieb ond brav em`Lebe,
viel wird es do no gebe!
A Dreirädle han i Dir bracht,
denn des wär jo g`lacht,
wenn Du da druff net fahre dätsch
ond zu Fuss no gehe würd`sch.
engele
So wie die Rösle glänze,
so soll Dei Lebe sei,
lass niemals Sorge durch Dei Türle rei.
Des elles wensche i Dir von Herze,
ohne dabei au zu scherze.
Des isch a Lebenslichtle für Di,
do schau, nur hi.
Es brennt nur für Di ond hot`Sinn,
sieh`sch, wie lieb i doch bin!
engele