Hallo liebe Besucher!
Schön, dass Ihr den Weg hierher gefunden habt. Hier habe ich Gifs gesam-
melt, die ich von Wien geschenkt bekam, denn die Wiener Gifs dürfen ja
auf der Wiener Seite nicht fehlen. Liebe Grüsse nach Wien!
Widele, wedele mit dem Besele durch`s ganze Haus,
denn der gesamte Winterschmutz muss raus!
Putze, putze mit dem nasse Lappe,
weg sind nun die schmutzige Sache!
Mit Musik geht elles besser ond sehr flott,
des schaffe mir Hausfraue no em`Akkord!
engele
I dank elle Leit, die so toll mir schreibet,
ob aus der Näh
oder aus der Fern,
i han Eich elle gern!
Bussi!
engele
En kloiner Freindschaftsgruss
kommt jetzt aber dro,
no fangt der neie Dog guat oh!
engele
Jetzt muss i aber genau überlege,
welches Versle i jetzt schreibe will,
nie stehet meine Gedanke still!
engele
Die Engele hen a Rosesträußle mitgebracht,
damit Dei Herzle fröhlich lacht!
Sie begleiten Dich durch Dei g`samtes Lebe,
niemals soll es Sorge oder Kummer gebe!
engele
I mog Di so, i han Di gern
mei allerliebster Stern.
So lass Di knuddle ond bussle jetzt,
du bisch mei heißersehntes Herz!
engele
Des Kerzle soll Dir mei Lieb zu Dir zeige,
i halt zu Dir in elle Zeite.
Mei Herzerl gehört nur Dir allei,
so wird es emmer sei.
engele
A Engele soll Di behüte bei Tag und Nacht,
hält über Deine Treime wacht.
e s geht mit Dir tagei, tagaus durch Dei ganzes Lebe,
wenn es wird au manchen Trubel gebe.
Treu ond ergebe isch es Dir,
des elles wünsch i Dir!
engele
A Wunschengele kommt ronder vom Himmelszelt
uff onsere düstere, kalte Welt.
Es will den armen Mensche helfe ond Glück brenge,
mit ihne bete ond a klois Liedle dazu senge.
Es tröstet ond brengt Licht
en` Deine Sorge ond Not,
meist brengt es elles wieder en`s richtige Lot.
So a Engele wensch i jetzt Dir,
drom lass i es au gerne hier!
engele
Für emmer send mir gute Freind
ond teilet onser Herzeleid.
Z`samme send mer stark em Leben,
einsam wellet mir net werde.
Wahre Freindschaft isch des höchste Gut
uff derer Welt,
o`bezahlbar mit no so viel Geld!
engele
Des Engele han i grad g`schenkt kriegt,
zärtlich es sein Schmusetierchen wiegt.
En besonderer Dank, dem edlen Spender
für des liebe G`schenk,
i au ganz besonders an Di denk!
engelchen
Zwoi Bärle hen sich g`fonde für`s Lebe
viele Kuschelstonde wird`s do gebe!
Ihre Herzle pochet zart ond fei,
so soll die Lieb wohl au sei!
engele
Du bischt eifach wunderbar,
so kuschelig ond so warm!
I kuschel jo so gern mit Dir,
bleib no emmer noh bei mir!
engele
Mir zwoi send a Herz ond oi Seel
do gugsch aber, gell?
Mir hen`ons g`fonde für`s Lebe,
des wird`s so schnell nemme gebe!
engele
Liebe Bäre-Knuddelgrüß i en di Ferne send,
ond i emmer ganz fescht an Di denk!
I möcht Di nemme misse,
für mich bisch Du wie a sanftes Ruhekisse!
engele
Scho wieder han i a herzig`s Engele kriegt,
es guckt so treiherzig ond so lieb!
Seine Eigle gugget so trei ond gross,
Härle hot`s wie aus gold!
Hier will`s bleibe für elle Zeite!
engele
Des kloine Bärle will Di ganz lieb drücke,
ond zeigt freidig sei Entzücke!
Süss isch der kloine Teddy,
denn geb i nemme her,
denn i mog en gar so sehr!
engele
I schick Dir a Rösle mit Herz in die Fern,
denn i hab Di doch so gern.
I jede Minut an Di denk
ond Dir ganz sanft a Bussi send.
Des Rösle soll Dir sage, i han Di gern,
wenn Du au bisch so weit en der Fern!
engele
Für Di alloi, soll des herzig Rösle sei,
hoffentlich fällt mi dazu a passens Versle ei.
So frisch ond glänzend soll onsere Lieb wohl emmer sei,
g`heiratet hen mer em Wonnemonat Mai.
Treie hen mer ons g`schwore für a ganz Lebe
ond hen kriegt d`r gettliche Sege.
So gange mir zwei bis an onser Lebensend,
ond begebe ons no en Gottes Händ.
engele
Liebe Blumegrüßle schick i Dir,
Dei Lebe soll glänze,
wie die Blümle hier!
Sorgenfrei und heiter auf der Lebensleiter!
engele
Von weit her isch des des Engele g`floge
zur Erde nieder,
denn Ostere kommt bald wieder.
Schene Blümle hot es mitgebracht
ond hot ganz lieb a Di wohl d´acht!
engele
A klois Engele wenkt am Himmelszelt,
sei Sternle leichtet durch die ganze Welt.
Es wenscht de`Leit a gut`s Nächtle von obe,
denn es bleibt am Hemmel drobe!
engele
Zu Deim Geburtstag elles Liebe ond Gute
wensch i Dir,
des Blumegrüßle lass i für Di hier!
Die Vögele sollet Deine Wensch erfülle,
ond Dir a Geburtstagsliedle senge.
Elles Liebe Dir uff Deine Wege,
begleite soll Di Gottes Sege!
engele
Des kleine Elfekend isch ganz entzückt,
strahlend es uff des kloine Vögele guckt.
Es zwitschert a Liedle, sanft ond fei,
soll wohl a Liebesliedle sei?
Wird des Vögele wohl bei em bleibe
ond die Zeit mit ihm vertreibe?
engele
Mei Blume-Elfle soll Dir Liebesgrüssle bringe,
i hoff, es wird ihr au gelinge!
I muss Tag ond Nacht an Di denke
ond will Dir mei ganz Lieb doch schenke!
Du bisch mei Herzel, i mog Di so,
deshalb lass i au des Versle do!
engele
Die Elfe Dir jetzt a glänzend Rösle brengt,
des kriegsch Du jetzt von ihr g`schenkt.
Des Rösle soll für Dei Lieb wohl sei,
denn es fendet Di so richtig fei!
engel
Die Elfle tanzet Reige ond wellet ihr Könne zeige.
Himmlisch flieget se`hin ond her,
des fällt ihne gar net schwer.
Die Schmetterling meget die sanfte Wese so,
do kennet sie au koi Pardo!
Flenk on hurtig se´mit der Elfeschar flatteret
ond so machen sießen Honig dabei ergatteret.
engele
A Blumesternle will i Dir heit schenke,
Du sollst emmer an mi denke!
A Liebessternle i Dir heit Nacht vom Hemmel hol,
des Dir mei Lieb beweise soll.
Es fonkelt nur für Di alloi mei Herzelei,
ewig soll onsere Lieb jo sei!
engele
A Liebesherzel schick i Dir für den Wonnemonat Mai,
denn mei Herzel pocht ganz zart ond fei.
I han Di so lieb, mei goldiger Schatz,
drom geb i Dir au gern nen` Schmatz!
Sche isch die Lieb em`Monat Mai,
wenn i derf bei meim Schatzerl sei!
engele
Hoch vom Hemmel komm i g´floge zu Dir
ond lass a paar Glitzerblümle für Di hier.
Sie sollet Glück ond Freid Dir brenge,
elles soll Dir nach Deinen Wensch, gelinge!
engele
Jetzt muss i schnell a Liebesbrieferl schreibe,
des will i aber Dir net zeige!
Des isch a geheime Liebesposcht an mei Mausilein,
ganz süss ond zart und fein!
engele
Jetzt mol i die Lieblingsblümle von meim Schatzilein,
ond setz a paar liebe Worte rein!
Viele Bussele kommet no zom Schluss,
dofür krieg i no en ganz schene Kuss!
engele
Des Herzel will i Dir jetzt schenke,
i muss emmer an Di denke!
Mei Herzel , des bockelt, aber wie,
so lieb han i Di!
engele
Upps! I han Dei Eiladung jo ganz vergesse,
des kommt nur vom haufe Schwätze!
I bitt ganz lieb om Verzeihung Di,
i versprech Dir ganz heilig:
"I änder mi!"
engele
Heit will i mol ganz lieb mei Lauserle grüsse
ond ihm sei Lebe mol versüße!
A Herzle schick i uff die Reise mit,
fend es himmlisch, dass es Di gibt!
A Bussel kommt no henderher,
denn des fällt mer gar net schwer!
engele
Die Erfrischung, die tut jo so gut
bei derer hoiße Sonneglut!
Schee, isch des kalte Wasserle,
gell, mei lieb`s Schatzele?
engele
Mir zwoi wellet Dir a Blumekörble brenge,
ond Dir a lieb`s Liedle dazu senge,
vom Hemmel send mer schnell ronder g`floge zu Dir
ond lasset Dir onser Blumekörble hier!
engele
I ben des Poschtelfle ond han a paar liebe Briefle
für Di bracht,
han se aber net uff`gmacht.
Des Briefgeheimnis derf me jo net breche,
sonst muss i mit dem Schlemmschte rechne!
Des send 2 Liebesbrief, des seh i scho,
schad, dass i se net lese ko!
engele
Des Blumeherzle i meim Schlingele schenk,
i oft au an en denk.
Do wird er sich aber freie,
wenn er des entdeckt,
do wird sei Interesse no geweckt!
engele
I treim von Dir ganz hold ond sacht,
ond wensch Dir a ganz tolle Nacht.
Isch doch schee, dass es Di gibt,
i ben ganz narrisch en Di verliebt!
Wie schee isch doch mit Dir zu treime,
Seit an Seit,
vorbei isch so manches Herzeleid!
engele
I ben des Schutzengele für die Tierle
ond ben für sie do bei Tag ond Nacht,
ob ihr Herzle weint oder au lacht,
denn au Tierle hen a Recht uff Ansproch ond Güt,
Gott sie au emmer gut behüt!
engele
I bet für elle Tierle uff derer Welt,
denn sie brauchet Liebe, Verständnis ond Pflege
ond koi Geld.
I bet für Tierle, die koi Heimat hen
ond ganz alloi uff derer Welt wohl sen.
Lieblos ausg`setzt werdet ohne G´fühl ond G`wisse,
dene Leit, wensch i koi gut`s G`wisse,
denn des isch herzlos ond gemei,
des derf em Lebe wohl net sei!
engele
I ben des Schutzengele für die Kleine,
wenn sie au gern weine.
I spend ihne Trost ond nehm sie uff de`Arm,
bis Herzle wohl wird warm.
Die Tränle versieget mit d`r Zeit,
vorbei got so manch`s Herzeleid.
engele
I kann ohne di net sei ond muss emmer an Di denke,
drom will i Dir des Rösle schenke.
Die soll mei Lieb zu Dir zeige mei Schatz
ond soll Dir von mir gebe,
en ganz süsser Schmatz!
engele
Mir pfeiffet für verliebte Pärle a Liedle klei,
ganz romantisch ond sehr fei.
Sie sollet em siebte Hemmel schwebe
ond sich für ewig ihr Jawort gebe.
Mir wenschet ene elles Gute ond viel Glück sodann,
was au elles no em Lebe komme kann.
engele
Die Bussele send aber lecker,
die schmecket emmer besser!
Man kann nie g´nug davo kriege,
des musch au a mol ausprobiere.
engele
Mir drei send a Herz ond oine Seel,
des siehscht Du aber, gell?
Nix kann ons schocke, mir halte zusamme,
was au emmer komme will!
Desch isch a wahre Lieb, die es nur noch selte gibt,
deshalb schwirret die Herzle au so verliebt!
engele
Isch des sche!
Du bisch jo so knuddelig weich mei Herzelei,
komm lass ons kuschele, sanft ond fei.
i geb Di nemmer her,
los lasse will i Di gar nemme mehr!
engele
Sche versteckt isch onsere Liebeslaub,
do kann ma ons net so schnell fende,
denn i will Dir ebbes schenke.
Ganz sanft will i mit Dir schmuse em Blumemeer,
denn i mog Di doch so sehr!
engele
I ben a Häsle mit viel Herz,
vertrag au so manchen Schmerz.
I tue au gern pussiere,
do tu i mi au net geniere.
engele
I ben des kleine Sternekend ond schick Dir ganz geschwend,
a paar glänzende Stern vom Hemmel ronder,
die wirket wie a kloines Wonder!
Es send Wenschsternle, die Deine Treim erfülle werdet
ond Dir viel Glück wohl no bescheret!
engele
Au beim Tanze darf ma des Bussle net vergesse,
des sage i jetzt, ohne dabei wohl zu scherze.
Sonst wird des Tanze jo zu trocke,
no kann ma au bloss no en d`r Bude hocke!
engele
Früh will ma sich wohl em Bussle übe,
ma will jo Erfahrunge für sei Lebe kriege!
Nur durch Erfahrung ond Übung wird ma Meister
uff derer Welt,
denn die Lieb, die braucht koi Geld.
engele
Drei Engele schick i heit zu Dir,
mit lieben Grüssen au von mir.
Des weisse Engele soll Dich begleiten,
uff alle Deine Wegen.
Des goldene Engele soll Dir Glück brenge,
elles soll Dir wohl gelenge.
Des betende Engele isch ebbes ganz besonders für Dich,
es brengt Dir ens Lebe a ganz besonders Licht.
Es betet für Di ond hält schützend sei Hand über
Di bei Tag ond Nacht,
spricht trösende Worte, ganz mild ond sacht!
engele
In Bälde got`s hier no weiter! A bissele Geduld no!
I will halt au amol uff d`r Wiener Seite schwäble!
I sag en`ganz liebe Dank nach Wien zom Franz
für seine tolle Gifs, die i jetzt hier verewigt han.
engele