Ond weiter geht`s mit dem Schwäble jetzt............
Die Dichtkunscht isch a Sach`für sich,
o`strenge muss i mich!
S´will net emmer so klappe, wie i`s will,
nie stehet meine Gedanke still.
So isch des Dichterlebe, oilmol klappt`s,
ond no wieder mol net,
aber g`nug tolle Eifäll han i scho ket!
engele
Ach, wie war mei Hochzich`toll,
die Kirch`war prächtig voll!
Elle aus mei`m Flecke send komme
ond hen mer gratuliert,
bissle han i mi dabei geniert.
Doch i han mi glei dro`gwöhnt,
au mit dem Nochbor han i mi versöhnt!
Mei Hochzich`war en`toller Tag,
den i ni vergesse mag!
engele
Des Liebesherzle han i von mei`m Schatz,
der es mir raus`gsucht hat.
Uff des pass i uff, tagaus, tagei,
denn des ko nur di`wahre Lieb wohl sei.
engele
Mol so richtig Relexe ond Faulenze tut guat,
do krieg i wieder neien Lebensmut.
Em Sessele sitze ond mei Buch lese,
des war scho lang nemme da g`wese!
Die Beingymnastik geht nebeher,
des fällt mer gar net schwer!
engele
I ben die Poesiemaus ond helf beim Dichte
ond tu die alte Manuskripte ausmischte.
Gern ben i beim Franz in Wien zu Gascht,
i doch mit Vorlieb Sacher Torte nasch!
Die Wiener Gaschtfreundlichkeit isch ja so toll,
no dichte i mit em`Franz sei Büchle voll.
Hier will i bleibe ond mei Zeit vertreibe!
engele
Zom Geburtstag schenk i Dir en`Glitzerschuh,
mit rote Rösle no dazu.
Des isch d`r neischte Hit uff d`r Welt,
koschte tut er a Menge Geld.
Aber was solls, der passt zu Dir,
deshalb kriegsch en`au von mir!
engele
I muss schnell telefoniere ond meine Wensch losbrenge,
des wird mer hoffentlich auch gelenge!
Emmer die Glückwünsch mache,
des send ja net so meine Sache!
Jetzt isch gottlob a Weile Ruh,
ond i wend me angenehmere Dinge zu!
engele
Wir send die Glücksvögele
ond brenget Dir des Schlüssele zom Glück,
jede Tag a kloines Stück!
Wir zwitscheret Dir a Liedle vor,
wir send a kloiner Vögeleschor!
Des Schlüssele soll Dei Lebe bereichere,
des Glück soll niemals von Deiner Seite weiche!
engele
I hab Di lieb mei Schatzilein,
ganz heiss glüht nun mei Herzelein!
Viele Bussele will i Dir jetzt gebe
ond Di fescht en`meine Arm nei`nehme!
I han mi en`Di verliebt,
schee, dass es Di gibt!
engele
Mit Dir will i treime ond kuschle bei Tag ond Nacht,
i weck Di au am Morge ganz sanft ond sacht.
Mit Dir alloi will i mei Lebe verbrenge
ond Dir jede Menge Liebe schenke!
engele
Mei Schatz, Du bisch ne`Wucht,
solang han i nach Dir g´sucht!
Jetzt han i Di ond lass Di nie mehr los,
komm her ond setz Di uff mei`n Schoss.
engele
I han die Liebesbriefle g`lese,
toll send se`elle g`wese!
Für wen i mi entscheid, des weiss i no net,
klenge den se`elle nett!
engele
Viel hen mir zwei erlebt ond durchg`macht em Lebe,
jetzt wird es endlich oimol Ruhe gebe!
Jetzt sitze mer`g`mütlich nebe`anand,
Dei Stricke geht Dir fließend von d`r Hand.
I schau Dir gerne zu mei Mausilein,
denn ohne Di kann i oifach net sei!
engele
Sei doch nicht traurig, i ben doch bei Dir,
viele Bussis krieg`sch jetzt von mir!
Hör doch uff zu weine, mei Held,
wenn on`s au fehlt das Geld!
Wir werdet a Lösung fende, no net hudle,
komm, lass Di oifach knuddle!
engele
I ben des Igele ond breng Dir en`Blumestrauss,
toll schaust Du wieder aus!
Der Schmetterling lässt Di grüsse,
Du solsch den Tag genieße!
Er brengt D´r Glück für Dei Lebe,
koine Sorge soll es gebe!
engele
Bitterkalt isch`s wieder,
Schneeflocke fallet nieder!
Die Tannezäpfle send no gut ond frisch,
die kommet heit uff de´ Mittagstisch.
Hauptsach, mei Bäuchle isch wieder voll,
des fend i no so richtig toll!
engele
D`r Mond isch uff`gange ond leichtet durch die Nacht,
die Sternle am Hemmel haltet ihre Wacht!
A gut`s Nächtle wensche mir elle Leit,
denn d´r Morge isch jo nemme weit.
Eng aneinander gekuschelt schlofe mir ei,
so schee isch nur zu zweit!
engele
Mir zwoi senget Dir jetzt a Liedle klei,
wenn`s au jetzt isch koi Mai.
Onser Liedle soll Dir Freid wohl bringe,
wir hoffet, es wird uns wohl gelinge?
engele
I ben`en`kloiner Wonneproppe
ond will Dir Dei Weihnacht versüße,
Du sollsch sie so richtig genieße!
Ben i net lieb ond knuddelig?
I fend mi oifach schick!
I wensch Eich a tolle Weihnacht ond viel mehr,
des war mei kleis Gedichtle, bitte sehr!
I mach jetzt winke, winke ond sag Servus
ond geb Eich no en`schmatzige Kuss!
engele
I han Di lieb mei kleines Kind,
toll, dass mir jetzt z`samme sind!
Zu zweit isch des Lebe doch toll,
wenn au mancher "Sturm" no komme soll.
I will Di nemme misse, mei kleis Kind,
wenn mir no lang beieinander sind!
engele
Jetzt will i mol sehe,
ob es mit d`r Poesiekunscht weiter geht,
sich elles nur um ebbes ander`s dreht!
Der Poet hot koine Eifäll mehr,
der tut sich zemlich schwer.
Mol sehe, wenn i voll`schriebe werd,
des ben i wohl no wert?
engele
I spiel Dir a Liedle uff meiner Geig jetzt vor,
em Hendergrund sengt d`r Engeleschor.
I spiel Eich ebbes vor vom Mozart,
die Melodie isch sanft ond zart.
So kennet Ihr Treime ond Ausruhe vom Stress,
es grüsst Euch lieb: Euer Geiger-Express.
engele
Au i will Musi mache,
do gibt`s jetzt nix zu lache!
Uff meiner Trompet bloss i a Lied Dir vor,
dozu brauch i au koin Chor.
Mit meine Fies schlag i de`Takt dazu,
do kenn i koi Tabu!
Elle höret mir staunend zu,
en`d`r ganz` Nochbarschaft isch jetzt a Ruh!
engele
Uff mei`m Duddelsack breng i Eich
a Liedle zur Schlofenszeit,
die isch jo nemme weit.
Schloft fei Ihr liebe Leit,
denn des isch g`scheit,
d`r nächschte Morge kommt bald wieder,
ausg`schlofe send no Eire Glieder!
engele
-----------------------------------
Au die Seit nimmt mol a End,
hoffe, dass Ihr z`friede send?
I wensch Eich jetzt, wie der do obe,
a gut`s Nächtle mit em`selige Traum,
ond haltet Euer Schnarche jo en`Zaum!
engele