Wahre Freindschaft soll mer pflege
ond so manche Streich aushege.
Einer isch für d`r andere do zu jeder Zeit,
tröschtet, wenn er hot a Herzeleid.
Koiner isch so em Lebe alloi,
des fend i eifach fei.
engele
Mir zwoi haltet emmer fescht z`samme em Lebe,
nie wird es en`Streit zwische ons gebe.
Mir reichet a`nander die Händ,
guckt, wie glücklich mir send!
engele
Au Tierle wellet ihre Freindschaft hege,
do spricht doch au nix wohl dagege?
Friedlich vereint sieht mer sie hier sitze,
koiner will d`r andere je vermisse!
engele
A Freindschaft gibt`s au zwische Mensch ond Tier,
des siehsch am beschte do mol hier.
Innig sitzet die zwoi zusamme uff em´silberne Stuhl,
des fend i oifach so richtig cool!
engele
Die zwoi Mädle hen sich g`fonde,
mer sieht se`hier innig miteinand`verbonde.
Ihre Hütle werdet mit Blümle bestickt,
des fendet die zwoi besonders schick!
engele
Do sitzet zwoi Freind beim Angle onder einem Baum
ond hen miteinander en`scheene Traum.
Selig genießet sie die Natur am Wasser,
wenn au das kleine Hondle manchmol sabbert.
engele
Freindschaft gibt`s au em`Dreierpack,
des fendet grad wohl hier jetzt statt.
Fescht aneinander geschmiegt se`hier sitze,
uff em`tolle g`schmeidige Kisse.
engele
Du bischt der beschte Freind, den i ho,
mit Dir i au elles mache ko.
Du nemsch mer nix übel ond verzeihsch mir glei,
no kommt au rasch die Freid herbei.
Du nehmsch me`so, wie i ben em`Lebe
ond dusch mer niemals a bös`Rüge gebe.
So en`Freind kriegt mer so schnell net wieder,
drom setz de schnell zu mir do nieder!
engele