I will Dir a lieb`s Grüssle sage
ond a mol en`tieferer Ausschnitt wage.
Glitzerschmuck han i om`glegt
ond ben a bissle uffgeregt.
Des isch mei erschtes Date das i mach,
des isch koi eifache Sach!
engele
Des Rösle han i g`schenkt kriegt von meim Schatz,
dafür hat er kriegt von mir en`kloiner Schmatz.
Sie duftet herrlich, glitzert fei,
so soll ons`re Lieb für ewig sei.
Seine Briefle sammel i fleissig ei,
denn des muss eifach sei.
I hoff, er kehrt bald wieder hoim zu mir,
denn i fühl mi sehr oisam hier.
engele
Aus meim Wasser ben i g`stiege ond komm zu Dir,
des Schmuckstück do, des kriegsch von mir.
Des isch a Andenke an mi,
wenn i wieder fort muss von Dir,
denn i kann net bei Dir bleibe,
denn i muss en`meim Wässerle verweile,
sonscht werd i krank ond trockne aus,
des wär für Di a schlemmer Graus!
engele
Hier fühl i mi wohl, hier will i sei,
do fällt mir au viel tolles ei!
Des will i aber no net verrote Dir,
no kommsch eifach mol her zu mir!
engele
Komm ond lass ons Tanze geh,
dass i a and`re Omgebung seh.
En` flotter Walzer ond en`tolle Moh dazu,
do vergot die Zeit em Nu!
Komm, lass ons gange
ond a tolles G`schmusi ei`fange!
engele
Mei Lieblingsschühle muss überall mit,
desch isch der absolute Hit.
Er blenkt ond glitzert scho von fern,
deshalb mog i eh`n so gern.
Die Absätz schee hoch ond schmohl,
damit mer au toll klappere ko.
engele