Esse em Schwobeländle

 

                                              Lense ond Spätzle, des isch was guat`s,

                                   vor ellem, wenn ma die Spätzle selber schabe tut!

                   Als Beilag noch Saitewürstle oder en` schene Bauchspeck serviere,

                                        do kann me aber en` grosser Honger kriege!

                            Die Mauldesche mit Krombieresalat isch au ebbes edles,

                                                       so sagt der Schwab!

                                 Der Mauldeschedoig wird gut g`rollt ond g`wellt,

                                                      dass er au a Weile hält.

                                     Des Hackfleisch wird exelent durch`knetet,

                                               dass ma au koine Bolle krieget.

                                            A gute Hühnerbrüh wird abkocht

                                                 mit schene Zwiebele dazu,

                                            no gibt der Schwobe endlich Ruh!

                            Die Krombiere send au scho g`schnitte ond g`rädelt,

                                      jetzt wird mit de`G`würz rom`gwedelt.

                                         Maggi, Salz, Fondor ond Salatwürze

                                                     je nach Geschmack,

                                   koi Auswärtiger so ebbes scho gegesse hat!

                                              Wenn`s schnell gange muss,

                                                no haut sich der Schwob

                                              a paar Ochseauge en`Pfann,

                                         sche a`prozelt werdet se, sodann.

                                            A Stückle Brot für de`Dotter

                                     ausdonke ond a Prise Salz no obedruff,

                                       des isch aber koi schwäbischer Bluff!

                                         Bubespitzle send au gern g`seh,

                                          a grosse Pfann muss dazu her.

                                      Sche braun a`prutzle von beide Seit,

                                   des schmeckt no fei, so die Schwobeleit!

                                         A saftiges Salätle me dazu isst

                                            ond die Zeit au mol vergisst.

                                     Vesp`re tut der Schwob mit Vorlieb,

                                            g´esse wird, was übrig blieb.

                                 Wurscht, Käs, Tomate, Brot oder Schenke

                                         g`heret zom deftige Obendesse,

                                                   a kalt`s Bierle dazu,

                                                 des wird net vergesse!

                                    Zom Kaffeetrenke gibt`s en Käs -oder

                                    Äpfelkuche, manchmol au en`Gugelhupf.

                                   De`Schwob isch au en Genießer em Esse,

                               des darf me`em`Schwobeländle net vergesse!

                                           Viel mehr Köschtliches gibt`s,

                                                      des isch klar,

                                               aus geht jetzt mei Seit,

                                                 traurig, aber wahr!

                                                                Copy:engelchen

 

 

            

         

 

                                                          nach oben