I ben Dei Engele ond tu de`begleite
ond will D`r jede Freid wohl bereite.
Bei Kommer i Di no tröschte tu
bisch Du kommsch`s zur enneren Ruh!
I ben für Di do, Dei ganz Lebe,
ond werd D`r emmer en`feschte Halt wohl gebe.
engele
Vom Hemmel ronder komm i uff die Erd zu Dir,
denn mei Hilf, die braucht mer hier.
I will de`arme ond kranke Mensche helfe
ond emmer dosei für sie,
denn des got scho, igentwie.
Es gibt viel Elend en ons`re Welt,
do hilft manchmol au koi Geld.
I geb` ene Zuspruch ond Troscht em Lebe,
den i gern ond ennig gebe.
engele
Zu Dei`m Geburtstag i Dir breng tolle Blumegrüss`,
i hoff`dass Du des au geniesch!
I komm selte ronder vom Hemmel obe,
doch Dei`n Ehretag, den will i lobe!
engele
Do obe am Hemmel, do fonklet die Stern,
die han i doch gar so gern.
Jeder Stern sei eig`ne Bedeitung hat,
manche leichtet grell, die andere matt.
Net elle Sterne send gleich,
so onderschiedlich isch des Hemmelreich!
engele
Dei Lebenslichterl han i Dir mit`bracht,
es flimmert ganz fei ond doch so sacht.
Es wird Dir Dein Weg weise ond zeige
ond wird mit Dir en`der Welt rom`reise.
Des isch mei G´schenkel,
des i für Di mitbracht hab`
ond jetzt leis wohl Servus sag!
engele
I ben en Glücksengel ond breng Dir jede Menge Glück,
jede Tag a kloines Stück.
Drom tu mi uff Hände trage
ond mir emmer die Wahrheit sage.
Mit Dir geh i bis an`s End der Welt,
i han Di gern mei kloiner Held!
engele
I breng Dir a weiss Teible mit,
isch es den net schick?
Schee weiss isch sei Gefieder,
es kommt emmer wieder.
Es brengt Dir Friede ond Glück,
jede Tag a kloines Stück.
engele
I ben des kloine Glitzerengele
ond breng Glick in Dei Lebe,
mi wird es net oft gebe.
Drom halt mi gut fescht en Deine Händ,
wenn se`au machmal kälter send.
engele
I will Dir Blümle schenke zu Dei`m Purzeltag,
i Dir elles Liebe ond Guate wensche mag.
Elles Glück uff derer Welt
ond dazu no ebbes Geld.
engele
Na mei Kleiner, was hasch denn heit?
Weine tusch ond hosch a Herzeleid!
I wieg Di jetzt ganz sanft hin und her,
no hosch koinen Kommer mehr.
engele
I ben des kloine Engelkend
ond schick Dir rasch geschwend,
orange Rösle, duftend fei,
do wirsch erfreit wohl sei.
engele
Au die Kloine wollet Küssle wohl probiere,
ohne sich dabei zu schieniere.
Do schau no, wie se des au machet,
ond dabei no a bisserl lachet.
engele
Roseherzle mog i sehr,
do schau mol selber her.
Toll riechet sie ond die Sterne leuchtet,
des uff a heimlich`Lieb wohl deutet.
engele
I ben gebore zur Heil`gen Weihnacht,
das hätt`sch wohl kaum gedacht.
A Engele, gebore in der Heil`ge Nacht,
i ben komme, ganz leis ond sacht.
I wensch elle Leit a besinnliche Weihnachtszeit
ohne Hetz ond ohne Bitterkeit!
engele
Vom Hemmel hoch, do komm i her,
denn es weihnachtet jo so sehr.
A romatisch Liedle mir jetzt sänget mitei`nand
ond nehmet ons ganz sanft an d`r Hand.
Die Kerzle flackeret em`Obendwind,
guckt no, wie glicklich die Kindle send!
engele
I ben des Sommerengele ond komm zu Dir
ond lass d`r a paar scheene Blümle hier.
Sie send herrlich ond duftet fei,
so sollet g´sonde Blümle jo wohl sei.
engele
I pflück Blümle für mei Heim,
denn des muss jetzt doch sei.
En`a Väsle tu i si no nei,
denn sie riechet doch so fei.
engele
Jetzt komm i no zom Schluss zu Dir
ond lass a tolles Tänzle hier.
Aus isch`s nun mit der Engelseit,
denn jetzt wird`s aber a mol Zeit,
mit tut`s jo au selber leid,
doch viele wellet no was ander`s lese,
daher isch des hier gewese!
engele