I han a feis Motorrädle ond kreis meine Ronde,
a lieb`s Mohle han i au dazu g´fonde.
Zu zweit gange me jetzt uff Entdeckungsreis.
Wono????????????
Des gebe mer aber no net preis.
engele
I treim jetzt von mei`m Herzele
ond ben grad uff der Wolke sieben,
des Rösle do isch mir von em bliebe.
Mei Schnuggele isch a wahre Pracht,
doch bleibe konnt er heit net über`d Nacht.
engele
Jetzt derfsch net gucke,
drom halt i jetzt Deine Aigle ganz feschte zu,
mei Überraschung kommt no em Nu.
Net neigierig sei ond schommle welle jetzt,
elles schee langsam ond ohne Hetz!
engele
A klois Ständle breng i jetzt meim Herzblättle zur Obendstund,
ond gib meine ei`geübten Liederl kund.
Do koh sie schö treime ond relexe no,
dofür send ja meine Ständle do!
engele
So mei Herzel, jetzt got ons`re Reise los,
ons`re Lieb isch o`endlich gross.
A Liebesreis rond om der Ammersee,
do kenne mer tolle Dinge seh!
engele
I kann mei Schmuserle eifach net vergesse heit,
ihr Weggange tut mir bitterleid.
I war a mol wieder tollpatschig ond domm,
jetzt hot se`en ennerlicher Groll.
Des muss i wieder guat mache morge,
denn i will pardu koine Sorge!
engele
En neier Tog isch erwacht,
erwartungsvoll i meine Läde uffmach.
Mol sehe, was der neie Morge brengt,
mol sehe, wie er meine Gedanke lenkt!
engele
Für die Lieb do du i hart trainieren,
denn ohne Muskle tu i mi schieniere.
En toller Körperbau, des muss sei,
do fiel i mi eifach cool ond frei.
engele
Mei Sandmändel isch komme uff`d Nacht
ond tut me bewache ganz still ond sanft.
Elle schlofet jetzt ond treimet wohl,
ons morge no d`r Wecker wecke soll.
Au meine Tierle hen ihre Aigle zu
ond wellet jetzt ihr Ruh.
engele
Jetzt war i aber fleissig ond han mei Wäsch uffg`hängt,
der Wend jetzt fleissig sei Liedle dazu sengt.
Die Bienle sommet monder hin und her,
mei frische Wäsch, die g`fällt ihne sehr.
Der Wend trocknet sie em Nu,
no han i au bald mei Ruh!
No isch Feierobend für mi,
no setz i mi vor mein Fernseher hi.
engele
Ach, isch des sche mit Dir uff dem Bänkle zu sitze,
bei derer Kält misse mir jo net schwitze.
Mir genießet jetzt no die kalte Sonnestrahle
ond erzählet ons aus alte Jahren.
engele
Wenn Ihr Probleme habt, no ruft mi oh,
i komm no, so schnell i ko.
I lösch no Eiren Brand em Nu,
no gibt des Feuer no a Ruh!
engele
Jetzt han i a paar leckere Keksle für Di backe,
do wird Dei Herzle aber lache.
Knusprig ond fei send se mir g´lunge,
jetzt kann d`r B`such jo komme.
engele
Mir schwirrt scho mei Köpfle vor lauter Schreibe,
i ben net zu beneide.
I krieg mei Liebesversle net uff`d Reih,
am beschte isch es, i lass es sei!
engele
Des Tapiziere isch a Kunscht für sich,
uff Dauer wär des nichts für mich.
Furchtbar isch die Kleckserei,
dabei kommt nix g`scheits herbei.
Der Molerkübel isch au umg`floge,
do muss i mir erscht en`neuer b`sorge.
engele
Jetzt mach i Urlaub ond geh en`d`r Süden,
mei Antwort muss Dir jetzt genüge.
Meine Kräft send jetzt aus,
drom mach i jetzt das Beschte draus!
engele
Holz für d`r Wender des muss sei,
des tu i no en`mein Ofe nei.
Des gibt no herrlich warm bei der Kält,
denn Wender isch`s uff d`r ganze Welt.
engele
Jetzt ben i hinplotzt ens kalte Eis,
i das Skifahre jetzt aber no schmeiss.
Mei Geduld jetzt zu Ende isch,
Du au no bös jetzt zu mir bisch!
engele
I wensch Dir a schene Weihnacht ond a guat`s neis Jahr,
elle Deine Wensch sollet werde wahr.
Elles Liebe, Glück ond G´sondheit wensch i Dir,
deshalb lass i Dir des Versle hier.
engele