Eifach süss isch d`r kloine Fratz,
en`oifach lieber kloiner Schatz.
Mir send ganz leis ond störet en net,
oh, wär des schee, wenn i au so oin hätt!
engele
Do hemmer jo glei zwoi uff einen Streich,
sie sehet sich jo oh`endlich gleich!
Koiner isch alloi von dene zwoi,
do send sie aber glücklich, heidenei!
engele
Ganz friedlich isch des Kendle onder seiner Deck,
no ganz leise sei, dass mer en`net weckt.
Selig treimt er von kloine Schäfle wohl
ond sagt on`s : "Lebewohl!"
engele
Uff em`Bäuchle tut mer gut liege
ond Luft Luft tut mer au kriege.
Des Poppöle no end`Höh gestreckt,
des isch tolle ond ganz perfekt.
engele
Wer bisch denn Du, weil Du mir koi Antwort gib`sch?
Des kann i ner verstande, dass Du so bisch!
Koin Mux gib`sch Du von Dir Du fremdes Wesen,
also gut, no isch`s des für mi g`wese!
engele
Halli, hallo, i ben doch hier,
ganz lieb wenge tu`i Dir!
I koh no net babble, des isch zu früh,
i werd`mir aber gebe, sehr viel Müh.
engele
Jetzt komm halt her ond mach koine Zicke,
Du wirscht Dei Schoppelejo scho kriege.
I mog`s net, dafür ben i scho zu gross
ond mach au net mehr en`d Hos.
engele
Ach, isch des a tolles Ding,
ob i des au mol oh`bring?
Cool isch des aber ond isch toll,
wenn des on`ser Papa sieht,
no gibt`s die Backe voll.
engele
I han viele liebe Kuscherle hier,
wie isch`s denn so bei Dir?
I will kois von dene misse,
elle derfet schlofe uff mei`m Kisse.
Schee isch`s, wenn mer so viele hat,
do sieht mer sich au gar net satt.
engele
Ben i net trollig ond en`cooler Schatz?
I geb au gern Dir en`saftiger Schmatz.
I halt meine Leit ganz schee uff Trab,
isch halt schee,
dass i so liebe Eltern hab!
engele
I ben jetzt satt, i will nix mehr,
aber mei`n Teddy, den gib`sch her.
Mit em`will i a Schläfle mache,
der tut no über mich, gut wache
engele
So jetzt sag i leise "Servus",
des Sändmännle kommt jetzt zu mir,
später au wohl no zu Dir?
I wensch Dir a gut`s Nächtle
ond scheene Treim,
des war uff derer Seit mei letschter Reim.
engele