Des Rosehäusle isch ne` Wucht,
so ebbes han i scho lang gesucht.
Des Teible mir Gesellschaft gibt
ond mir neie Nochricht bringt.
engele
Des Bächle rauscht leis en d`r See hinei,
die Blümle blühet ganz sanft ond fei.
Die Sonn jetzt uff des Wasser glitzert,
mir no glei a Bad ei`nehmet,
damit mer jo net schwitzet.
engele
Em Wender, do wird`s kalt,
zu`gschneit isch der Wald.
Die Rehle jetzt verzweifelt Futter suche
ond` wenig Erfolg dabei verbuche.
engele
I ben der weisse Schemmel
ond wohn em Hemmel.
Zur Weihnacht komm i uff die Erd no nieder
ond begleit die Engele wieder.
Meine Hoimat send die Stern am Hemmelszelt,
die jo leichtet uff die ganze Welt.
engele
I ben müd` ond will jetzt haija mache
ond treime von lauter schene Sache.
Die Engele flieget über mir,
die Sternle send au scho hier.
Die Lämmle graset uff der Wies,
do ko nix gange schief!
engele
Mir zwoi Vegele mir wenget Eich zu
ond wenschet Eich a angenehme Ruh.
Elles Liebe wir wenschet no,
denn wir bleibet net für emmer do.
engele
Mir zwoi dän jetzt schnäble em`Akord,
no fliege mer wieder fort
wohin Du willscht, soll ons`re Reis no geh,
du willsch jo a andere Omgebung seh.
engele
I ben d`r Hasi Schlingel
ond will Dir ebbes scheenes bringe.
Guck mol, was i han em`Göschle
für Di dabei,
des isch doch spitze, heide nei!
engele
Ach, isch des schee mit Dir zu treime,
dabei den mer nix verseime.
Viel Schenes gibt`s em`Treimerland,
on`s schützt jo a grosse Hand.
So sen mer für`s Lebe beschützt ond geborge
ond machet on`s jetzt koine Sorge.
engele
Mei Mama isch di beschte, die es gibt,
i ben ganz en` sie verliebt.
Sie tut elles für mi ond b´sorgt mer Futter
no isch die Welt für mi en`Butter.
engele
I hatt` en wonderscheene Traum heit Nacht,
des hosch wohl jetzt net dacht.
I war tanze ond ben no en`a tolle Tierwelt komme,
do ben i jetzt no ganz davo benomme.
A Einhorn ond Kätzle hen mi lieb grüsst,
oh, waret die Tierle süss!
No ben i uffg`wacht ond war alloi,
no isch`s mer`s eig`falle,
des kann mei wahres Lebe jo net sei.
engele
Mir zwoi wellet a mol "Hallo" sage
ond a zartes Miaue wage.
Mir hen ons em`Körble toll versteckt,
aber Du hosch on`s zwoi wohl scho entdeckt?
engele
A Handvoll Rösle will i Dir schenke,
Du sollscht emmer ganz lieb an mi denke.
I werd Di nie vergesse mei klois Schmuserle,
gern tät i Dir jetzt gebe a schmatzig`s Bussele.
engele
Guck a mol, was i do han,
mei Herzerl fonkelt, so schnell es ka.
Des isch a edles Schmuckstückel,
do pass i gut druf uff
ond Dir geb i dofür en`liebe Buff.
engele
So jetz got`s dem Ende zu,
uff derer Seit isch jetzt mol Ruh.
I will Eich no schee danke sage,
wenn Ihr uff derer Seit mol waret.
A gut`s Nächtle no zom Schluss,
weil i uff derer Seit jetzt uff`höre muss.
engele