Servus liebe Gäscht!
Jetzt geht`s weiter mit mei`m Schwäble uff`rer neie Seit`,
schee, dass Ihr wieder mol bei m`r seid!
Drom wensch i Ei`ch viel Spass ond gute Laun` jetzt hier,
a lieb`s Grüssle kommt jetzt no von mir!
engele
Komm, i lade zom a Bierle ei,
schee kühl ond schaumig, des schmeckt fei!
Du musch au nix bezahle, i lade ei,
denn spentabel will i sei!
engele
Hoppela, jetzt got`aber a Wendle, aber wie,
wo komm i do bloss hie?
Mei Kleidle wirbelt hoch, o Schreck,
des isch aber au gar net nett!
Fescht halte tu i`s jetzt,
dass mer`s net davo fliegt,
ond i deshalb Ärger krieg!
engele
Jetzt komm her, mei Schlingele ond tanz mit mir,
gern überlass`i die Führung Dir!
No net so zaghaft sei, sondern monder druff`los,
wo bleibt denn Dei Ei`satz bloß?
Jetzt tanze mer`en`Wiener Walzer,
flott ond monder,
no krieg`sch au a paar Kilos ronder!
engele
Hei, do gug`sch aber, wie toll die Rösle send,
die mach`i Dir jetzt zom G´schenk!
Sie sollet Di an mi denke lasse,
denn i muss Di bald verlasse!
Doch i komm`wieder z`rück zu Dir,
a Bussele krieg`sch au no von mir!
engele
Vom Hemmel breng i Dir en`glänzender Stern,
den hosch`doch so gern!
Es soll Dei Lebenssternle sei ond Di begleite,
viel G´sondheit ond Glück soll er Dir bereite!
Halt en`fescht ond lass`en`net los,
denn ohne ihn, was mach`sch do bloß?
engele
I hab` a Brünnele en`mei`m Gärtle klei,
do han i viele bunte Blümele nei.
Sie blühet ond duftet, welch ne`Pracht,
des han i elles selber g`macht!
Mei Gärtle geb`i niemols her,
ond wird mir die Arbeit au mol zu schwer!
engele
Die Engele hoch am Hemmelszelt,
gucket zu uns ronder uff die Erdewelt.
Lebhaft geht`s bei ons do onde zu,
do hen`s se`do obe ihr hemmlische Ruh!
Gern send` die Engele do obe
ond gucket ronder uff ons`re Welt,
sie würdet nie tauschen, om no so viel Geld!
engele
Der stolze Schwan lässt sich gern`verwöhne,
schnell tut`er sich do dro g`wöhne!
Des Wässrle tut sei`m G`fieder gut
en`derer heisse Hitzeglut!
Romantisch sie z`samme die Natur genießet,
ond dabei au die andere Tierle begrüßet!
engele
Die Eule isch wachsam ond wacht,
denn o`breche tut die Nacht.
Aufmerksam ihre Aigle kreiset
ond ihre Ausdauer beweiset!
Ruh`ond Stille kehrt en`de Wald jetzt ei,
des fendet die Tierle elle fei!
engele
I will Dir a Blumetöpfle schenke,
ohne jegliche Bedenke.
So oi`s hosch jo scho lang g`sucht,
jetzt han i für Di en`Erfolg verbucht.
Halt`s en`Ehre des guate Stück,
denn es soll Dir brenge a Glück!
engele
I ben`au no do oder hosch Du mi vergesse,
des fende i net zom Scherze!
I ben doch so brav ond lieb die ganze Zeit
ond breng Dir au koi Leid.
Des Rösle han i für Di bracht`,
han`s ganz vorsichtig vom Stöckle weg`gmacht`!
I hoff, Du läsch mi net lang warte,
sonscht geh`i en`d`r Garte!
engele
Zu tritt lässt sich`s au gut schmuse,
die Erfahrung hen mer grad g`macht,
stürmisch on`ser Herzle dabei lacht.
Mir hen Freindschaft g`schlosse für`s Lebe,
des wird`s so schnell nemme gebe!
engele
I ben`des kleine Bettkätzle ond sag Dir "Gut Nacht",
der Mond am Hemmel obe scho freidig lacht.
Es wird Zeit, dass Du au bald en´s Bettle lieg`sch
ond die Zeit net wieder vergisch!
Denn a paar Stündle soll mer ruhe en`d`r Nacht
bis der nächschte Morge no erwacht.
Mach jetzt Deine Aigle zu ond begeb`Di zur Ruh!
engele
Gute Nacht, Ihr liebe Leit,
jetzt isch bald Schlafenszeit!
Des Bettle ruft, no muss mer nei,
do isch jo so bequem ond fei!
Süss treime vom heimliche Schatz,
der Di so gerne hat!
engele
Puh, isch des heit a Hitz,
do hoisst`s nur "gut schwitz"!
A kalt`s Eisle esse, des tut Wonder,
no wird mer`glei so richtig monder!
Toll garniert mit leckeren Frücht`, ganz edel,
do kriegt mer`au koin schwere Schädel.
Alkohol, den meid`noch Möglichkeit,
sonscht tuscht mer scho am nächste Morge leid!
engele
A Erdbeercocktail isch au net zu verachte,
die süsse Frücht`lasset sich guat nasche.
Gut gekühlt bei heissem Wetter,
do got`s D´r no glei besser!
engele
Des isch au ebbes Lecker`s gege die arge Hitz`,
ständig isch mer`bloss no verschwitzt!
Em` Schatte sitze ond des Cocktail süffle,
des mecht`i an hoisse Teg net vermisse!
I trenk uff Ei`er Wohl, Ihr Leit,
macht`s au, des wär wohl g`scheit!
engele
Wenn des Hondle au ganz treiherzig Werbung macht,
ond dabei net über die Hitz`no klagt,
koin Muckser er wohl wagt?
Doch als Lob isch wohl a saftig`s Futter drin,
des wär wohl auch im Umsatz drin?
Verdient hätt`es der kloine Kerl
ganz ohne Frag,
i jetzt oifach hier die Wahrheit sag`!
engele
Des Engele wenscht a guat`s Nächtle für alle,
jetzt got`s aber en`die "Falle".
Oimol muss der Körper ruh`n,
daher musch Du des au tun!
A Schönheitsschläfle, des muss sei
oder fällt Dir ebbes anders ei?
engele
-------------------------------------
I wensch Ei`ch des gleiche liebe Leit,
geht en`s Bettle, jetzt wird`s Zeit!
Mei Seit isch hier zu End`,
i ellen no liebe Grüssle send!
Mir werdet on`s mol wieder seh`,
i jetzt aber en`mei Bettle geh`!
Ei`er engele
-------------------------------------