Hallo liebe Besucher!
Jetzt goht`s weiter mit de` wenerische Gifs ond meinen schwäbischen
Versle! Die Seit stoht onder Copyright. Es derf nix stribizt werde!
Viel Spass ond Freid wensch i Eich elle! engele
I ben des kloine Engelkend,
zu`gfoge isch mir en Schmetterling, ganz g`schwend.
Isch des a lieber, kloiner "Blauer",
prächtig isch er, an zu schaue.
Lässt sich bei mir nieder ond will de`Nektar
von meinen Blümle nasche
ond will a Weile bei mir raschte.
Des ich mei Liebling, er kommt emmer wieder z´rück,
was han i bloss für a Glück!
engele
A lieb`s Grüssle aus onserm Gärtle wolle mer sage,
über die prächtige Blütepracht kenne mer ons net beklage!
Sche gediehe send onsere Blümle elle,
send g`wachse en der Schnelle.
Do hemmer jetzt a rieße Freid,
wie Ihr jo alle jetzt sehe kennt.
engele
Des Teible soll Eich Glück zor Hochzig brenge,
elles soll Eich zamme wohl gelenge.
Liebe, Glück ond G´sondheit uff elle Eiren Wege,
begleite soll Eich Gottes Sege.
G´sonde ond liebe Kinderle sollet Eich bescheret sei,
mendeschtens aber zwoi!
Drom haltet mei Teible en Ehre fei,
jetzt isch`s halt no a bissle kloi!
engele
Des saftige Rösle isch für Di mei Schatz,
wenn´s es au heit Nacht g`regnet hat.
So frisch ond fei,
soll ons`re Lieb wohl emmer sei!
engele
Des Vogele han i gern,
mit em flieg i en die Fern.
Hoch oben am Hemmelszelt,
do isch meine kloine, heile Welt.
Do fiel i mi wohl, do will i sei,
do fiel i mi jo so frei!
engele
Des Freindschaftsherzle isch jo a Wucht,
so oin`s han i scho lange g`sucht.
Des geb i nemme her,
do dro hängt mei Herzel, aber schwer!
Verziert mit Rösle, des wohl für sich spricht,
mehr dazu sage, mog i jetzt nicht.
engele
Jetzt han i gnug mit dem Mohle,
i will nemme mehr,
drom schreib i jetzt die schnuggeligen Worte,
BYE BYE hier her!
engele
I han di lieb mei klois Miezelein,
i tu de ganz zärtlich streichle, sanft ond fein.
Des hosch so gern ond tusch sche schnurre,
ohne dabei au zu morre.
Du hosch so a weiches Fell,
Miezelein, i han di gern!
engele
Mei Herzle meinen Mieze g`hört,
ond es mi dabei gar net stört,
han mi g`stoche an dem Rösle rot,
elles isch aber wieder em Lot.
Meine Schnurrerle send mei ei ond elles
uff derer Welt,
hergebe tät i sie nie, om no so viel Geld!
engele
Isch des en`kuscheliger Schmusebär,
den geb i aber nemme her!
Schee weich isch doch sei Fell,
zom Bussle ond Knuddle isch er, gell?
Em Arm hot er en Busch Rose,
me kennt en`die ganze Zeit liebkose!
Mit ihm geh i jetzt en`s Treimeland
ond nehm en´ganz zart an seiner Hand.
engele
Jetzt hen mer aber gnug busselt
mir zwei,
denn mei Schlofenszeit kommt herbei.
Leg die schee nebe mi no,
damit i jetzt schlofe ko,
denn zu zweit isch schener em Bett,
i fend mei Miezerl eifach nett!
engele
Au die Tierle misset ebbes lerne heit,
des fend i cool ond eifach g`scheit.
Mit Geduld ond Spucke geht elles em Lebe,
me derf die Hoffnung nie uff gebe!
engele
Jupi! I han en Wollebobbel, der isch a Wucht,
so oin han i scho lang gesucht!
Toll ko mer mit em Rumbalge,
des siehsch Du do,
was i elles mit em mache ko!
engele
I ben die fesche Lola aus Wien
ond lege jetzt a Tänzle hin.
Sei mol g`psannt, was i Dir elles zeige tu,
do komsch nemme no zur Ruh.
G´schmeidig isch mei Körper, gell,
die Verenkunge gehet flott ond schnell.
Do kennet no die Männer liebeigle,
ond i ko elle meine Reize zeige!
engele
A guat`s Nächtle sag i jetzt zu Dir,
a lieb`s Bussele kriegsch no von mir.
Du sollscht toll von mer treime heit Nacht,
wenn d`r Mond am Hemmel lacht.
engele
So fröhlich ond selig wie d´r Schmetterling
soll Dei Lebe emmer sei,
genieß au ab ond zu mol a Glaserl Wei.
No wirsch wieder vedel ond monder
ond kommsch von Deine Sorge ronder!
engele
Emsig ben i am Koche für mein Moh,
dass er net wieder bruddle ko.
Der brommt en letschter Zeit, was er no ko,
lange schau i mir des nemme oh.
No lege i em mein Urlaubsschei uff d`r Tisch,
g`schriebe han i scho den Wisch!
engele
Komm her, mei Spatzilein,
Du wirscht ganz schee hungrig sei?
Hab extra für Di Körnle mit,
das fendesch Du bestemmt sehr schick?
Jetzt kannsch schmatze mei Spatzilein,
die Körnle send guat ond no so klei.
engele
Meine Blümle hen jetzt Durscht,
muss se`schnell no gieße,
austrocknet ond dürr isch die Wiese,
sie sollet das Feichte jetzt genieße.
Meine Blümle send meine kleine Welt,
wenn i au ben weit obe onder`m Himmelszelt.
engele
Du hosch aber Mut ond kletterscht nach obe,
da muss i Du aber ganz arg lobe.
I will lieber em Wasser bleibe,
ond will jede Gefahr für mi vermeide!
engele
I ben des kleine Hasekind
ond will Dir schene Ostern wensche, ganz geschwind.
A rot`s Herzle han i uff meinem Brüschtle versteckt,
denn i han a nei`s G`schmusi jetzt entdeckt.
Des war Liebe uff der erschte Blick,
mei Lauserle, den fende halt ganz schick!
engele
Mir zwoi den jetzt Herzle fische
ond ons`re Fieß dabei erfrische.
Goldig seh`n doch die rote Herzle aus,
andere fische mir do gar net raus,
denn sie send die Zeiche für die Lieb,
wär doch schad, wenn sie em Wasser blieb!
engele
Des Kleeblatt kommt von Herze her,
isch schee gross ond au so schwer.
Mühsam hen mer es über d`r grosse Stei jetzt bracht,
onser Herzle aber jetzt doch lacht.
Des Kleeblatt soll ons Glück brenge em Lebe,
ond ons viele scheene Sache wohl beschere.
engele
Jetzt kriegsch aber a Bussele von mir,
i will aber au ois von Dir.
Des schmeckt lecker ond guat,
schee isch ons`re Liebesglut!
engele
Schee weiches Fell hot mei Walterle kriegt,
do kuschel i doch, ganz ungeniert!
Sei Knöchle hot er au vergesse,
des wird er aber leicht verschmerze.
Er treimt en`schene Traum ond sieht ganz selig aus,
do reiss i ihn au gar net raus.
engele
Die Rösle will i Dir jetzt schenke
ond an ons`re Lieb stark denke.
I fend`s klasse, dass i Di jetzt g´fonde hab
ond ganz lieb: "I love you" sag!
engele
Wir drei grüsset Eich von der Fern,
wir hen Eich gar zu gern.
Elles Liebe ond Gute wir Eich wenschet
ond hoffet, dass Ihr auch an ons dabei denket!
engele
I ko nur sage, ich liebe Dich,
des Liebesherzel isch für Dich!
Des Vögele hot a Rösle von mir em`Schnabel
ond will a Grüssle von mir sage!
engele
I wensch Dir elles Guate für Dei Lebe,
koi Uffregung oder Ärger soll es gebe.
Jede Tag soll ebbes schees Dir brenge,
dozu sollscht Du no a Liedle senge.
engele
Ganz besonders ons`re Lieb wohl isch,
wie es Du jo hier so siehsch!
Wir zwei hen on`s g`fondo ond send so verliebt,
net jeder em`Lebe so ebbes kriegt!
engele
I ben so traurig ond allei,
muss des aberhaupt au sei?
Mei Mama jetzt em`Hemmel isch,
i sie aber nie vergiss!
So grausam kann a Schicksal sei,
des fend i aber gar net fei!
engele
Zur Hochzig elle Liebe für Eich ond viel Glück,
jeden Tag a kloines Stück.
Viele scheene gemeinsame Stond ,
wenn`s au mol em`Lebe geht no rond.
Doch zu zweit kann mer elles wohl bezwinge,
des wird Eich beide au gelinge!
engele
Na mei beschtes Stück,
heit breng i Dir a Glück.
Des Rösle kriegsch als Souvenier,
guck doch net so traurig, hier!
I ben au wieder ganz lieb ond brav zu Dir,
kriegsch au a klois Bussele von mir!
engele
I will mol wieder Hallo sage,
no kosch Du Di net wieder beklage.
I han halt a Gedächtnis wie a Sieb,
hosch Du mi trotzdem lieb?
engele
I ben no kloi ond kann no net viel mache,
aber i breng Eich gern zom Lache.
Freidig meine Aigle geh`n,
des konnsch jo hier echt prächtig seh.
I ben jetzt mied ond will haija geh`n,
desch kosch bestemmt jetzt gut versteh`n!
engele
Wie lieblich doch so a Geigle klingt,
viele schene Liedle sie ons bringt.
Mir höret Melodien von Bach, Strauss ond Wagner,
des isch ja so herrlich, des muss i jetzt sage.
Sanft ond lieblich ertöne die Geigeklänge
an onser Ohr,
eistimme tut von hende jetzt der Damenchor.
So isch Wien zu jeder Zeit,
heiter, luschtig ond musisch,
welch a romantisch Herrlichkeit!