Hallo Ihr Lieben!
Wenn Ihr no weiter Luscht uff "Schwäble" habt,
no dürft Ihr gern` weiter lese, denn jetzt got`s
weiter mit den Teddy`s und Creddy`s!
I wensch Eich elle viel Spass!
Uff, aus mei`m Liebesbriefle send Herzle komme,
i ben jetzt no ganz benommen!
So viele an d`r Zahl,
i ko`s kaum glaube,
aber es isch wahr!
So viele hot mei Lauserle mir g`schickt,
i ben jo so entzückt!
engele
Onser beider Herzle bomberet net schlecht,
do steigt d`r Blutdruck, do hosch recht!
S`war Lieb uff der erschte Blick,
i werd fascht verrickt.
I kann an nix anderscht me`denke,
denn i will mei`m Herzerl, mei ganz Lieb jetzt schenke!
engele
Mit dem Radel fahre mer jetzt uff`s Land,
do sieht ma jo so ellerhand!
Schene romantische Stond`welle mer verbrenge,
des wird ons zwoi au gelenge!
Des Rad`le macht ons Freid,
do isch ons koi Weg zu weit!
engele
I zauber Eich was aus mei`m Zylinder raus,
guckt, do will scho a Hasi naus.
Doch er isch no zu kloi,
um auf Entdeckungsreise zu gehe,
der muss sich erscht en`d`r Welt om`sehe!
engele
Jetzt klopft aber Dei Herzle, i han`s g`hert,
guck mol, was Dir wird beschert!
Schokoladeherzle, süss ond frisch,
die stelle jetzt nüber uff de`Tisch.
No kosch nasche, mei Schleckermäule,
des wir`sch au net bereue!
Drom ess nach Herzensluscht,
Du Di au net geniere muscht!
engele
Des Herzle klopft jo em Dreivierteltakt,
Tablette verschreibe?
Des isch zu gewagt!
Do spielt die Lieb wohl mit, i ahn des ja,
sie will`s net zugebe, aber es isch wahr!
So verschreib i ihr a Beruhigungsteele,
des isch au gut für ihre Seele.
engele
I ben die kesche Mary ond hol mei Motorädle raus,
no fahre mir zwoi en`s Grüne naus.
Viele romantische Platzerl i do kenn,
i Dir aber jetzt no koine nenn.
So lass Di mol überrasche
ond setz Di brav nach hende,
i werd die richtige Stell`scho fende!
engele
Emmer diese Schafferei, au a Päusle müsst mol sei!
Von heit morge om siebe, wo isch bloss die Zeit gebliebe?
Mei Gärtle isch jetzt bald fertig,
i fend es ganz herzig!
Die letz`schte Pflanze send jetzt ei`gsetzt ond gosse,
jetzt wird mei Feierobend genosse!
engele
Komm her mei Schatzerl, jetzt wird g`schmust,
des tut on`s beide zemlich gut!
Denn des muss au mol sei,
des isch so richtig fei!
engele
Zur später Stond fällt mer no a Gedichtle ei,
des wird sehr romantisch ond fei!
Für Verliebte soll es sei,
do fällt mir emmer ebbes ei!
engele
Das Wandern isch des Müller`s Luscht,
a Päusle er eilegt für sei`n Durscht!
Au mir wanderet ond machet a Paus,
i hoiß net umsonscht:
"Der schlaue Klaus!"
engele
I muss Dir no schnell schreibe mei Herz,
denn jetzt hen mer jo bald de`März.
Lang hosch warte misse,
des war net zom Genieße!
Der Computer wollt nemme mehr,
do musste nun ein neier her!
engele
I trommel Dir a Ständle zur Obendstund,
jetzt got`s aber zemlich rund!
Den Takt han i selber g`macht,
was glaub`sch, wie do Dei Herzle lacht!
engele
So Hasi, jetzt schlofe mer ei,
ond treimet ebbes scheenes, des isch fei!
Von einem schnuggeligen Fraule, des wär super,
des wär a mol a tolle Nummer!
Was no net isch, des kann no komme,
denn es wird jo bald Sommer!
engele
I fühl mi gar net wohl en`meiner Haut,
die Gripp`, mi hot`s eini`kaut.
En`hoißer Tee han i mir g`macht
ond trenk en`jetzt ganz sacht.
Mir isch`s kalt, ohne Bettfläsch`ko i net sei,
so a Gripp`, des isch net fei!
engele
Onder Herzle, do lässt sich`s guat schlofe
ond treime,
i lass mi ganz von meine G´fühl no leite!
Wenn i au no koi Fraule han,
deswege wird`s mir au gar net bang!
Au i fend no die richtige Maus,
no komm i aus mei`m Schneckehaus raus!
Spieglein, Spieglein an der Wand,
wer isch wohl d`r schönste Teddy em`Land?
A Antwort gibt der net,
des fende mer` überhaupt net nett!
engele
Au em`Wender ko mo schmuse uff der Bank,
do sag i no: "Gott sei Dank!"
Warm ei`packt ond en`Schal om ons rom,
denn mir send jo net domm!
Frische Luft muss au mol sei,
nochher geh`mer wieder ens Warme nei!
engele
I breng jetzt en`grosse Rosestrauss,
der sieht ganz tolle aus!
Ganz frisch send die Rösle
ond dufte herrlich ond toll,
do krieg i mei Vase voll!
engele
I han drei Schneemänner g`macht
ond han sie g`schmückt,
darüber ben i jetzt ganz entzückt!
Mit mei`m Schlitte fahr i sie jetzt spaziere,
denn sie misset jo net friere!
Jeder hot en`Schal ond a Mützle kriegt,
do isch die bittere Kälte glei besiegt!
engele
So mei Mausi, jetzt gehe mer Strawanze
ond fahret fort,
an en`schene, romantische Ort.
No send mir zwoi ganz alloi
ond koiner kann on`s störe,
weil mir zwoi zusamme g`höre.
engele
I ben so verliebt en Di ond will Dir des Herzle schenke,
ohne jegliche Bedenke!
I han mei Herzle verlore an Di mei Mausele
ond bleib Dir ewig treu,
Dei Lauserle
engele
Mir hen`Oschtere net vergesse ond brenget a Ei,
a paar Blümle hen mer`au dabei.
Schee mit Herzle isch on`ser Ei verziert,
dass mer au Gefühle kriegt!
Denn die Lieb`derf net fehle,
die kann koiner stehle!
engele
So jetzt gange mer spaziere, die Sonne scheint,
der Kurpark isch jo nemme weit.
No kosch rumtolle nach Herzensluscht,
a Säftle han i dabei für de`Durscht!
Mit andere kosch no spiele geh`,
i ab ond zu nach dem Rechte seh`.
engele
I sag jetzt ganz leis`Servus liebe Leit,
wenn Ihr au gern hierg`wese seid!
Doch elles hot halt mol a End, sodann,
a neie Seit kommt, irgendwann!
No sehet mir ons wieder, welche Freid,
jetzt froget no net:
Wann isch`s so weit?