Für meine Schwobefans geht`s jetzt mit Schwäble weiter,

               ganz hurtig, emsig ond heiter!

                     

                 Hey, send des aber tolle Fischle,

                          die wäret au ebbes zom Genieße!

                           I krieg jetzt Honger, aber wie,

                             wie komm i bloss zu dene hi?  

                     Mei Mägle knurrt scho em`Dauerton,

                              so lang steh i uff Position.

                                Koiner will mer helfe,

                          des geht mer uff die Nerve!

                                        engele

                   

              Faulenze isch halt schee en`d`r Sonn,

                            desch isch a prächtige Wonn.

                    Musi here ond die Zehe baumle lasse,

                       wie i doch die harte Arbeit hasse!

                Zur Abkühlung en`s kalte Nass no sprenge

                       ond en`alte Schlager dazu sänge.  

                     Des isch en`Urlaub, so wie i en`will,

                         elles isch friedlich ond so still!

                                             engele

                                        

                  Jetzt wird flott marschiert ond koi Wiederred,

                               zom Strand es hortig geht.

                  I will mi jetzt erfrische ond brauch a Nass,

                   sonscht macht die Hitz`mir koinen Spass.

                    Em`Wässerle schwemme, des isch fei,

                         elles andere lass i jetzt au sei!

                                                engele

                                              

                                     Flirte tu i für mei Lebe gern,

                      egal ob en`d`r Näh oder en`d`r Fern.

                             Tolle Mädle han i entdeckt,

                            send supi ond ganz perfekt!

                            Treiherzig blinzle i dene zu,

                     fende tu i emmer eine ond zwar em`Nu.

                     I ben en`Weiberheld, i kann nix mache,

                       i versuch so manche krumme Sachen!

                                               engele

                                             

                              Mir trainieret für die Meisterschaft,

                           so ebbes me´no net g`sehe hat.

                      Mir wellet erschter werde, des isch klar,

                           no werdet ons`re Treime wahr!           

                                              engele

                                       

                                        Halli, hallo ond scho ben i do!

                      En`schene guate Morge ond ohne Sorge,

                                       wensch i elle Leit,

                            wenn Ihr au no em`Bettle seid!    

                                So machet die Aigle uff

                             ond schauet zom Hemmel nuff.

                             Die Sonn`jetzt fröhlich lacht,

                        des hätt`sch jetzt wohl net dacht?

                                                engele

                                                 

                       Zom Valentinstag elles Gute ond Liebe von mir,

                            ganz still ond schick sitz i hier!

                  I wart uff mei Schatzilein, des isch doch klar,

                             i fend se´oifach wunderbar!

                    A bissle schmuse ond kuschle will i mit ihr

                         ond hoff, sie bleibt no a bissle hier!

                                                engele

                                                          

                                     Isch des Blumesträussle denn net lieb?

                                   Han gar koi Lob dafür kriegt!   

                                   Han mir so viel Mühe g`macht

                                    ond dabei nur an Di dacht.         

                            No lasse mer die Blümle oifach em`Glas,

                                   bis Du Di entschiede hasch!

                                                  engele

                   

                    Mir send die 2 Engelskender ond wellet Euch grüsse,

                          oimal em`Johr dürfet mir die Erd`genieße.

                             Onsere 2 kloine Schäfle dürfet mit,

                              des fende mer´so richtig schick!

                        Sie send so schee kuschelig ond gebet warm,

                               gerne nehm i sie en mei´n Arm.

                             Die Rösle welle mer verschenke

                              ond an die arme Kender denke!

                                              engele

                                                           

                   Mir send a luschtiges Duo ond hen so manches drauf,

                heiter ond abwechslungsreich isch onser Lebenslauf!

                          Mit on´s zwoi kann mer`viel erlebe,

                          jede Menge Ärger hot`s scho gebe!

                   Trotzdem send mir heiter ond machet weiter

                               uff ons`rer Lebensleiter!

                                           engele

                              

                              Mit mei`m Seepferdle geh`i uff´d Reis`,

                                hergebe tu i`s om koin Preis.

                   Treu erhabe, geht`s mit mir durch dick und dünn,

                       über jede Welle, immer wo ander`sch hin!

                                   Des isch die wahre Lieb,

                                     die net jeder kriegt!

                                               engele

                                           

                                         Oje, wenn i mei Mama net hätt´,

                                    die isch au emmer so nett.

                             Sie beschützt mi bei Tag ond Nacht,

                         ob der Hemmel weint oder die Sonne lacht.

                               Sie goht mit mir uff Futtersuch,

                           ond beschützt mi vor o´gnehme B´such!

                            Mei Mutter isch des beschte Stück,         

                                  do han i a prächtiges Glück!

                                                engele

                   

                                   Jetzt wird aber g´mütlich g´esse,

                                  vorbei isch jetzt das Scherze.     

                        Saftige Göckele ond en´leckerer Nochtisch

                                   lasset mir on`s net entgange,    

                             des Faschte wird gar net o´gfange!  

                       Mir zwoi naschet on`s monder durch´s Lebe,

                       en`Honger wird es bei on`s zwoi koin gebe!

                                                 engele

                              

                           Hallole Ihr liebe Leit, wo au emmer Ihr seid!           

                        Hier isch`s klasse, mir hen miteinander g`sandelt

                              ond no hen mir zwoi mitanander o`bandelt.   

                                Do gucksch, gell, wie mir des machet,       

                            heit Obend lasse mer`s no tüchtig krache.      

                                                     engele       

                

                                       Juhu, i flieg om`die Welt,

                                              dazu brauch i au koi Geld.

                                 Von obe die Welt o`gucke ond manchmol

                                          auch genüsslich nonderspucke.

                                           I ben halt a klois Schlingele,

                                            do kann mer nichts mache,

                                      i mach halt lauter verrückte Sache.

                                                   engele

          

                                           Gute Morge mei Mäusle,  

                                                        i hab Di so gern,

                                     de`Kaffee riecht mer scho aus der Fern!

                                     Komm raus aus de`Fed`re mei Hascherl,

                                           no gibt`s au ebbes zom nasche!

                                                      engele

     

                           En d`r Sonne liege ond Faulenze isch ne`Wucht,

                                   a g`schickts Plätzle han i mir do rausg`sucht.

                                              Jetzt trenk i mei Cocktail

                                       ond halt Ausschau nach de`Männer,

                                         die do en`de`Gegend rom`renne.

                                                  engele

                                 

                            I mog mei Mama ond tue gern mit ihr kuschle,

                         wenn i au no kloi ben ond han en`Nuckel.

                        Pampers han i au no, des macht aber nix,

                          die verlier i au no ond zwar ganz fix!

                        Mei Mami isch die Beschte uff d`r Welt, 

                        koiner kann se`ersetze für no soviel Geld!

                                                engele

                       

                          I ben des Tanzmariele ond mach de`Schluss,

                           weil au die Seit oimol uffhöre muss. 

                       A flott`s Tänzle leg`i no auf`s Parkett,

                        no isch d`r Schluss hier ganz perfekt!

                         Jetzt sag i no leise Servus ond Ade,

                              frei mi uff a Wiederseh`n!

                           Bestimmt kommt no a neie Seit,

                          vielleicht isch´s  jo bald soweit?

                                           engele

                   

                                                             nach oben