Lieber Gascht!

                        Jetzt geht`s no bald weiter mit meiner Seit,

                             d`r Weg isch jetzt au nemme weit!  

                           Drom fang i mit dem kloiner Versle oh`,

                                           mol gucke, was i no elles ko`.    

                                                Euer engele

                  

                                    

 

                                

                   

                      I love you heisst: I lieb`Di mei goldiger Schatz,

                        wenn Du au so manche Fehler hasch!

                             Doch i lieb Di so, wie Du bisch,

                heit kommt Dei Lieblingsg`richt uff de´ Tisch.

              Dazu trenket mir zwoi no a leck`res Weinle dazu,

                        ond genießet die romantische Ruh!

                                               engele

                     

                    Isch des schee mit dir zu kuschle mei Herzilein, 

                       Deine Bussele schmecket zuckerfein!

                    Do kann i net gnug kriege, die sind lecker,

                      die schmecket jedes Mol no besser!

              I ben so froh, dass i Di g`fonde han, mei Schatz,

                      jetzt will i wieder en`tolle Schmatz! 

                                               engele

                          

                          Ons`re Herzle bomperet om` die Wett,

                    mir würd`ebbes fehle, wenn i Di net hätt`!

                                 Koi Minut`will i Di misse,

                          han au kauft a Schlummerkisse.

                       Do druff`kennet mir beide treime,

                          des dürfe mer jo net verseime!

                                               engele

                                 

                   Kommt no her zom Papa, der Ei`ch elle mag,

                   wenn i Ei`ch au manchmol, die Wahrheit sag!

                    I mog Ei`ch elle, meine kloine Rasselband,

                   wenn Ihr au oft seid ausser Rand ond Band!

                                                engele

                           

                                Elles Liebe für Di mei`süsser Schatz,

                          weil Du heit Geburtstag hasch!

                      En`ganz tolle Tag soll es für Di sei,

                    ungebetene Gäscht`lasse mer net rei!

                    Romantisch soll Dei Ehretag verlaufe,

                        ebbes Tolles will i Dir no kaufe!

                                             engele

                           

            So saftig, wie des Rösle isch, so sollsch Du emmer sei,

                           des fend i ganz herrlich ond so fei!

               Wenn mir zwoi no älter werdet ond Falte kriege,

                           do den mir on`s au net geniere.

                                Des isch des Lebenslauf,

                               den nehmet mir en`Kauf!

                                               engele

                                    

             Mei Herzle schlägt ganz stark en`meiner Bruscht,

                              wenn i an Di denke muss!

                       Es bockelt gar so wild ond stark,

                                weil i Di so tolle mag!

                                             engele

                                     

                    Ons`re Herzle he sich g`fonde über Nacht,

                 die Lieb`sich komme, ganz sanft ond sacht!

                    I will für Di da sei ond elles mit Dir teile,

                    em` Gute ond Böse bei Dir verweile.

                            Für Di würd`i elles gebe,

                      ond ganz arm mit Dir zusamme lebe!

                                               engele

                                    

                                        Mei Herz will fast zersprenge,

                               so muss i an Di denke!

                           Der Puls steigt in die Höh, owe!

                  I kann Di net vergesse, mei` süsse Maus,

                     wann komm`sch Du heit wohl raus?

                                            engele

                              

                                             Mollig warm isch`s nur zu zweit,

                             des woiß i mit eller Sicherheit!

                          Eng ananander kuschle ond treime,

                               was soll mer`au verseime?

             Schmusestonde misset sei, des sag`sch Du doch au,

                       des macht aus`glichener ond schlau!      

                                                engele

                   

                                              Zarte G`fühle brengt der Mai,

                            a grosse Lieb`kommt no herbei!

                            Die Liebesplatzerl werdet voll,

                      die fendet die Verliebte so richtig toll.

                      Schee versteckt durch Zweig und Busch,

                           gibt`s no meist de`erschte Kuss!

                          Der Mai isch für die Lieb`bekannt,

                              des  isch so em`ganze Land!

                                               engele

                               

                    I han mei Herz verlore an Di mei schnuggelige Maus,

                   do komm`sch Du au so schnell nemme raus!

                Fescht han i Di ei`gschlosse mei beschtes Stück,

                             nur mit Dir fend i mei Glück!

                    Drom lass`on`s der Weg gemeinsam geh`,

                    wir wellet emmer ehrlich zueinander steh`.

                                              engele

                                                            

                                         Au Tierle brauchet die Lieb` 

                                om`glücklich zu sei,

                   drom schreib i jetzt a klois Versle rei.

                    Zu zweit isch des Lebe schener als emmer allei, 

                    drom soll es en`d´r Tierwelt au so sei!

                                                     engele

                                       

                                                               I mog Di, aber wie,

                                        guck, wie lieb i bin?

                             A Herzle für Di han i mit`bracht,

                               dass Dei Herzle wieder lacht. 

                          I ben Dir trei bis an mei Lebensend,

                         wenn mir no emmer beianander send!

                                                    engele

                                               

                             En`Schubkarre voller Herzle breng i Dir,

                                  mit viele Bussele von mir.

                            Sie sollet Dir mei`Lieb`beweise,

                i würd so gern mit Dir en`der Welt rom`reise.

             So geb Dei`m Herzle einen Ruck ond komm mit mir,

                meine Ernschthaftigkeit, die sieh`sch jo hier!

                                                engele

                  

                                            I ben verliebt en`die Lieb,

                           wenn sie nur für emmer blieb?

                            Schwer isch doch mei Herz,

                      treibt mei Verehrer einen Scherz?

                         Wer net wagt, der net gewinnt,

                      was hätt`des Lebe no für en`Sinn?

                   Drom probier i jetzt die Lieb`halt aus,

                       mol sehe, was do no kommt raus?

                                               engele

                       

                     A Glaserl Sekt han i uff mei Lieb getronke

                      ond ben`ganz en`Gedanke versonge.

                      I mog mein Schatz, der isch a Wucht,

                      nach so ei`m han i scho lang g`sucht!

                                               engele

                                         

                            Komm her, i will mit Dir schmuse jetzt,

                                    ohne jegliche Hetz!

                 Wenn mir zwoi au nemme die Jengschte send,

                        will i Dir doch gebe, ganz g`schwend,

                            a paar Bussele, des muss sei,

                             des fendensch Du doch fei?

                                             engele      

                            

                                    Die Herzensrose i Dir schenke will,

                            mei Herzle bleibt net still!

                    Es bockelt wie wild, i ko`s net glaube,

                    es könnt mi no de`letschte Nerv wohl raube!

                              So han`i mi in Di verliebt,

                   han nemme glaubt, dass es so was gibt!

                                            engele

                      

                         I dank Dir aus tiefem Herz für Deine Lieb`,     

                           die bis zom heitige Tag wohl blieb!    

                           Für die schene Stonde dank i Dir,      

                    des Dir jetzt zu sage, isch en`mei`m Sinn.

                             I ben`uff ewig Dein, mei Held,    

                                wenn i han au wenig Geld.    

                                              engele       

                                   ---------------------

   An dieser Stell`will i mi bei meinen Gäscht`bedanke wohl,

                         wenn au die Seit`nie ende soll! 

                          Doch elles nimmt mol a End,

                          wenn Ihr au no so nett send.       

                        Au a engele braucht mol a Paus`,  

                                  des muss mol sei,

                      ond isch des Päusle au no so klei! 

                   Doch bald treffet wir on`s wieder hier,

                         für Dei Interesse, dank i Dir!

                                        Uff bald!

                                        Ei`er engele

                                      --------------------------------

                 

 

                                                    nach oben